Коррупция – тараққиёт кушандаси
Таъкидлаш жоизки, коррупция бу - давлат ва жамиятнинг ривожига жиддий путур етказадиган хавфли жиноят ҳисобланади.
Шу сабабдан ҳам, мамлакатимизда ушбу жиноятнинг келиб чиқиш хавфини олдини олиш ва унга қарши курашиш борасидаги ишлар изчиллик билан амалга оширилмоқда.
Бу борада Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги томонидан ҳам соҳада Ўзбекистон Республикасининг коррупцияга қарши курашиш тўғрисидаги қонун ҳужжатларида белгиланган вазифаларга мувофиқ, коррупцияга оид ҳуқуқбузарликлар содир этилишининг олдини олиш, қонунчилик, хизмат интизоми, одоб-ахлоқ қоидалари ва ички тартиб қоидаларга риоя этилишини таъминлашга қаратилган кенг қамровли тушунтириш ва тарғибот тадбирлари доимий равишда ўтказилмоқда.
Агентликда 9-декабрь - Халқаро коррупцияга қарши курашиш куни муносабати билан “Коррупция – тараққиёт кушандаси” мавзусида давра суҳбати ўтказилди.
Тадбирда “Сert international” маъсулияти чекланган жамиятининг бир қатор маъсул вакиллари иштирок этди.
Айтиш мумкинки, бугунги кунда коррупцияга қарши курашиш борасида юртимизда олиб борилаётган кенг кўламли ишлар борасида xалқаро стандартларга мос тизимни жорий этишга катта эътибор қаратилмоқда.
Хусусан, Ўзбекистон Республикаси Президентининг 2020 йил 29 июндаги “Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида”ги ПФ-6013-сонли Фармони ҳамда ISO 37001:2016 “Коррупцияга қарши курашиш менежменти тизимлари – фойдаланиш бўйича талаблар ва тавсиялар” халқаро стандарти ижросини таминлаш мақсадида Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги “Cert international” халқаро сертификатлаш органи тегишли аудитдан ўтказилиб, натижада ISO 37001:2016 бўйича халқаро сертификат қўлга киритиш учун ташқи аудитни биринчи босқичидан ўтиши ҳам сўзимизнинг исботидир.
Бу борада Агентлик томонидан соҳада коррупциянинг олдини олиш, коррупцияга қарши курашиш бўйича халқаро талабларга жавоб берадиган 20 дан ортиқ ички-меъёрий ҳужжатлар, коррупция рискларини камайтириш бўйича “Йўл харитаси” ишлаб чиқилди, доимий равишда коррупция ва унга қарши курашиш усуллари, жамиятда комплаенс-назорат тизимини такомиллаштириш бўйича масъул раҳбарлар ва таркибий тузилма ходимлари иштирокида тадбирлар ўтказиб келинмоқда.
Шунингдек, сифат менежменти тизимини халқаро стандарти ижросини таъминлаш мақсадида Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги “Cert international” халқаро сертификатлаш органининг тегишли аудитдан ўтказилди.
ISO 9001:2015 стандарти - Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлигининг амалга оширилаётган ишлар ва xизматлар сифатини ривожлантириш, республика алкоголь ва тамакибозорида самарали фаолият юритиш, ишлаб чиқариш фаолиятини жаҳонда тан олинган механизмлар асосида ташкил этиш, мавжуд молиявий, теxник ва кадрлар ресурсларидан оқилона фойдаланишни таъминлаш, бошқарув тизимини оптималлаштириш соҳасида олиб бораётган ишларининг самарадорлигини тасдиқлайди.
